Лічбавае 8 сакавіка – старое свята на новы лад?!

З’яўляючыся распрацоўшчыкам канцэпцыі беларускага лічбавага рубля, мы дазволілі сабе напярэдадні міжнароднага жаночага дня крыху пафантазіраваць на тэму: “Як магло б выглядаць святкаванне Міжнароднага жаночага дня 8 сакавіка ў новую эпоху лічбавага рубля і смарт-кантрактаў?“.

І зараз мы раскажам некалькі ідэй, як інавацыйныя лічбавыя тэхналогіі могуць змяніць традыцыйныя формы святкавання гэтага дня.

У будучыні лічбавыя падарункі могуць стаць сапраўдным хітом. Людзі змогуць пераводзіць лічбавыя рублі ў спецыяльна створаныя для гэтага лічбавыя кашалькі, упрыгожаныя тэматычнымі дызайнамі. Гэтая новая традыцыя дазволіць лёгка і імгненна рабіць грашовыя падарункі незалежна ад адлегласці.

Спатканні можна будзе арганізоўваць па-новаму! У эпоху лічбавых грошай з’явіцца магчымасць выкарыстоўваць смарт-кантракты для падрыхтоўкі спатканняў. Напрыклад, вы можаце стварыць смарт-кантракт, у якім будуць указаны ўмовы спаткання, такія як час, месца, кошт вячэры ці білета ў кіно і іншыя дэталі. Пасля гэтага такі кантракт можна адправіць іншаму чалавеку, які можа пагадзіцца ці адхіліць яго. Калі абодва згодныя, смарт-кантракт аўтаматычна зарэзервуе столік у рэстаране, купіць квіткі ў кіно ці на канцэрт, а так сама аплаціць усе выдаткі, выкарыстоўваючы лічбавы рубель. Гэта зробіць працэс арганізацыі спатканняў прасцейшым, зручным і адказным 😊.

Віртуальныя мерапрыемствы – у гэты дзень таксама могуць праходзіць мноства віртуальных мерапрыемстваў, такіх як канцэрты, семінары, выставы і інш. Лічбавы рубель можна будзе выкарыстоўваць для аплаты білетаў на гэтыя мерапрыемствы.

Вы самі зможаце выпусціць універсальны падарункавы смарт-кантракт у выглядзе сертыфіката, які не прывязаны да канкрэтнай крамы, а дазваляе здзейсніць пакупкі ў любым месцы на выбраную катэгорыю тавараў, напрыклад, касметыка, парфумерыя, паслугі салонаў прыгажосці, білеты, рэстараны і г.д . Гэта дазволіць зрабіць універсальны падарунак з выкарыстаннем лічбавага рубля без прывязкі да пэўнай крамы ці брэнда.

Арганізацыі змогуць праводзіць анлайн-аўкцыёны, дзе людзі змогуць зрабіць стаўкі, выкарыстоўваючы лічбавы рубель. І ўсе сабраныя сродкі будуць накіроўвацца на падтрымку жаночых ініцыятыў і праектаў!

Людзі таксама могуць адпраўляць адзін аднаму лічбавыя NFT паштоўкі з пажаданнямі да 8 сакавіка. Гэтыя паштоўкі – унікальныя творы мастацтва, таксама могуць змяшчаць невялікія сумы лічбавага рубля ў якасці сімвалічнага падарунка.

І яшчэ думаем, што віртуальныя святочныя ўпрыгожанні здабудуць новы сэнс, магчыма, стануць новым трэндам! З дапамогай спецыяльных прыкладанняў і фільтраў для сацыяльных сетак з’явіцца новая магчымасць дарыць дзяўчатам NFT упрыгожванні для афармлення іх анлайн-профіляў у святочным стылі. Эксклюзіўныя віртуальныя элементы дэкору дапамогуць стварыць унікальную атмасферу свята ў віртуальным свеце.

А як наконт прадастаўлення спецыяльных смарт-скідак? Бо магазіны змогуць ствараць смарт-кантракты, якія аўтаматычна даюць скідкі на пакупкі жаночага адзення і аксесуараў. Напрыклад, калі вы хочаце прадаставіць скідку ў 10% на ўсе пакупкі ў дзень нараджэння кліента, вы можаце стварыць смарт-кантракт, які аўтаматычна прымяняе скідку да пакупак у паказаную дату з аплатай менавіта ў гэты дзень, выкарыстоўваючы лічбавы рубель.

Лічбавы рубель таксама можна будзе выкарыстоўваць для інвестыцый у стартапы і праекты, створаныя жанчынамі. Гэта стане выдатным спосабам падтрымаць жаночае прадпрымальніцтва і дапамагчы жанчынам рэалізаваць свае ідэі.

А яшчэ можна будзе не хвалявацца, што забыліся павіншаваць блізкага чалавека, бо можна будзе ствараць смарт-кантракты, якія аўтаматычна адправяць падарунак, напрыклад, электронныя падарункавыя карты ці кветкі, атрымальніку ў пэўную дату. Смарт-кантракт можа быць наладжаны такім чынам, каб аплачваць электронныя падарункавыя карты лічбавым рублём у момант атрымання.

Эпоха лічбавага рубля можа прынесці новыя, інавацыйныя формы святкавання 8 сакавіка. Людзі змогуць адсвяткаваць гэты дзень з выкарыстаннем лічбавых тэхналогій, што зробіць святкаванне яшчэ зручнейшым і цікавым.